نظام واحد يدير عيادتك أو مركزك الطبي من الحجز للحسابات
كلينوفا بينظّم يوم العيادة كله: حجز من غير تعارض ومن الموبايل كمان، استقبال منظم، نداء آلي بصوت عربي، شاشة كاملة للدكتور بالتشخيص والروشتة والتحاليل، ورسائل واتساب للمريض، وحسابات مظبوطة لكل دكتور ولكل وردية.
رحلة المريض من أول مكالمة لآخر الوردية
الحجز
ميعاد فاضي عند الدكتور المناسب، ومفيش ميعادين فوق بعض
الاستقبال
تسجيل الحضور والدفع، والمريض ياخد رقم دوره
النداء
الرقم يظهر على الشاشة ويتقال بالصوت مع اسم العيادة
الكشف
الشكوى والتشخيص والروشتة، والتالي يتنادى لوحده
الحسابات
تقفيل الخزنة ومستحقات كل دكتور وتقارير العيادة
الدكتور يخلّص الكشف.. والمريض اللي بعده يتنادى لوحده
مفيش زحمة قدام باب الكشف، ولا حد بيسأل كل شوية "الدور وصل لفين؟". شغّل الصوت واسمع النداء زي ما هيتسمع في صالة الانتظار.
شاشة الطبيب وشاشة الانتظار شغالين مع بعض
بضغطة "إنهاء الكشف" من شاشة الطبيب، النظام بينادي المريض اللي عليه الدور، ويفتح للدكتور ملفه على طول.
- رنة تنبيه، بعدها رقم المريض واسم العيادة بصوت عربي مسجّل
- الشاشة بتعرض الرقم الحالي وآخر النداءات والأرقام المنتظرة لكل عيادة
- أي شاشة أو عارض متصل بالإنترنت يعرض الأدوار من لينك واحد، من غير تعقيد
- إعادة نداء، وتخطي، ونداء رقم محدد، وترتيب الدور بالسحب والإفلات
- أولوية للحالات الطارئة وكبار السن
كل شاشة في النظام وبتعمل إيه
كل الصور من داخل النظام نفسه ببيانات عيادة تجريبية (الأسماء والأرقام وهمية). اضغط على أي صورة تتفتح بجودة 4K وتقدر تقرّب عليها.
لوحة التحكم: عيادتك بالأرقام
أول ما تفتح تعرف وضع يومك: مرضى النهارده، المنتظرين، اللي عند الدكتور، إيراد اليوم والمواعيد الجاية.
- مؤشرات اليوم ورسم التحصيل في آخر 7 أيام
- كل مستخدم يشوف اللي يخص شغله وفرعه
ملف المريض: كل حاجة في مكان واحد
بيانات المريض وزياراته وروشتاته وتحاليله وتاريخه المرضي في ملف واحد، والحساسية ظاهرة بوضوح قدام الدكتور.
- الحساسية والأمراض المزمنة والأدوية والعمليات السابقة
- خط زمني بكل الزيارات والمرفقات
- تنبيه لو المريض متسجل قبل كده، ودمج الملفات المكررة
الحجوزات: في ثواني ومن غير تعارض
مواعيد كل الأطباء قدامك في شاشة واحدة، والنظام بيمنع حجز ميعادين في نفس الوقت حتى لو موظفين حجزوا في نفس اللحظة.
- جدول لكل دكتور حسب أيام شغله ومدة الكشف
- تأجيل وإلغاء وتسجيل عدم الحضور
- تذكير بالموعد على الواتساب أو SMS
الحجز أونلاين: المريض يحجز من موبايله
صفحة حجز باسم عيادتك: المريض يختار الدكتور والميعاد الفاضي ويبعت الطلب، والاستقبال يأكده أو يرفضه بضغطة.
- الميعاد بيتحجز للطلب لحد ما الاستقبال يرد
- لو المريض له ملف بيتعرف من رقم موبايله
- رسالة تأكيد أو رفض للمريض بالسبب
مكتب الاستقبال: تسجيل ودفع ورقم دور
الموظف يشوف حجوزات اليوم، يسجّل حضور المريض، يحصّل الكشف، والمريض يدخل الدور برقمه تلقائيًا.
- حجز مسبق أو مريض بدون ميعاد
- رقم دور لكل مريض عند كل دكتور
- الاستقبال مش بيشوف التشخيص والملاحظات الطبية
محطة النداء: كل دكتور وطابور مرضاه
التمريض أو الاستقبال يتحكموا في الأدوار كلها من شاشة واحدة، والدكتور بحسابه يشوف مرضاه هو بس.
- نداء التالي بضغطة أو بزرار المسافة
- إعادة نداء وتخطي وأولوية للطوارئ وكبار السن
- تحديث لحظي على كل الشاشات من غير ريفريش
شاشة الانتظار: الدور قدام الكل
افتح اللينك على أي شاشة في الصالة: الرقم الحالي بخط كبير، والعيادة، وآخر النداءات، والنداء بصوت عربي.
- بتعرض الأرقام بس من غير أسماء المرضى
- شريط رسائل تكتبه العيادة بنفسها
شاشة الطبيب: كل اللي الدكتور محتاجه قدامه
الدكتور يفتح زيارة المريض ويلاقي تاريخه المرضي وزياراته السابقة، ويكتب كل حاجة من شاشة واحدة.
- العلامات الحيوية ومؤشر كتلة الجسم
- الشكوى والفحص والخطة وميعاد المتابعة
- التشخيص بأكواد ICD-10
- طلب التحاليل والأشعة
الروشتة: أسرع وأأمن وباسم عيادتك
ابحث عن الدواء واكتب الروشتة في ثواني، والنظام يراجع وراك قبل الحفظ.
- تنبيه لو المريض عنده حساسية من الدواء
- تنبيه تكرار المادة الفعالة والتعارضات الدوائية
- طباعة بقالب تصممه باسم عيادتك وشعارها
التحاليل والأشعة: من الطلب للنتيجة
كل تحليل أو أشعة طلبها الدكتور متابَع لحد ما النتيجة تتسجل وتترفع على ملف المريض، والدكتور يراجعها.
- النتايج غير الطبيعية بتظهر بالأحمر ورا بعض
- رفع ملف النتيجة PDF أو صورة
- رسالة للمريض إن نتيجته جاهزة بعد مراجعة الدكتور
رسم الأسنان لعيادات الأسنان
شكل كامل للفم بترقيم FDI: تضغط على السنة وتسجل حالتها، وكل سنة بلون حالتها ومعاها تاريخها.
- تسوس وحشو وتاج وعصب وخلع وزرعة وكوبري
- الأسطح لكل سنة (MOD)
- الأسنان اللبنية للأطفال
متابعة الحمل لعيادات النسا والتوليد
عمر الحمل وميعاد الولادة بيتحسبوا لوحدهم من آخر دورة أو من السونار، وكل زيارة متابعة متسجلة في جدول واحد.
- الوزن والضغط وارتفاع الرحم ونبض الجنين
- الضغط العالي والأنيميا بيظهروا بالأحمر
- عوامل الخطورة وGPAL
باقات الجلسات: علاج طبيعي وليزر ومتابعات
تبيع الباقة بفاتورة عادية، وكل زيارة بتخصم جلسة، والسيستم يقولك فاضل كام جلسة وإمتى الباقة تنتهي.
- الزيارة اللي اتخصمت من الباقة بتبقى من غير فلوس
- قائمة بالمرضى اللي ليهم جلسات متبقية
- إرجاع جلسة اتخصمت بالغلط بسبب مسجّل
الفواتير والخزنة: بالمليم
كل كشف له فاتورة، وكل موظف له وردية بتتقفل آخر اليوم، وأي فرق في الدرج بيظهر.
- كاش أو فيزا أو محفظة، أو أكتر من طريقة في نفس الفاتورة
- الخصومات والمرتجعات بصلاحيات
- الإيصال الإلكتروني لمصلحة الضرائب
مستحقات الأطباء: محسوبة لوحدها
حدد نسبة كل دكتور، وكشف حسابه بيطلع جاهز لأي فترة، بالزيارات والمستحق والمدفوع.
- قواعد عمولة لكل دكتور ولكل خدمة
- تسجيل الصرف وتتبّع المتبقي
مطالبات التأمين والتعاقدات
حصة شركة التأمين من كل فاتورة بتتجمع في مطالبة شهرية، تتبعت وتتابع لحد ما تتحصل.
- تحصيل على دفعات
- قفل المطالبة والمرفوض يتسجل
المخزن: مستلزمات العيادة
رصيد كل صنف في كل فرع، استلام وصرف وجرد، والشراء يتسجل مصروف تلقائي.
- تنبيه لما الصنف يوصل لحد الطلب
- تنبيه قبل انتهاء الصلاحية
التقارير: قرارك مبني على أرقام
الإيرادات والمصروفات وصافي الربح، والزيارات ونسبة عدم الحضور، وأداء كل دكتور وكل فرع، مع التصدير.
- تقرير أرباح شهر بشهر
- تصدير Excel وطباعة
تطبيق للدكتور.. وبوابة للمريض
الدكتور معاه تطبيق أندرويد يشوف فيه يومه وينادي المريض اللي عليه الدور ويراجع النتايج، ويوصله إشعار بأي نتيجة أو طلب حجز جديد. والمريض بيوصله رابط خاص على الواتساب يشوف منه مواعيده وروشتاته ونتايجه، ويحجز أونلاين من صفحة العيادة.
كل فرد في العيادة باسم مستخدم وصلاحياته
الاستقبال
الحجوزات وتسجيل الحضور والتحصيل والنداء، من غير ما يشوف التفاصيل الطبية.
التمريض
العلامات الحيوية وإدارة الأدوار والنداء.
الطبيب
مرضاه هو بس: دوره، وكشفه، وروشتاته، بحسابه الخاص.
المحاسب والإدارة
الفواتير والمصروفات ومستحقات الأطباء والتقارير.
عندك سؤال؟
أقدر أشوف النظام قبل ما أقرر؟
أيوه، كلّمنا على واتساب ونعملك عرض تجريبي ببيانات عيادة تجريبية، ونمشي معاك على يوم العيادة كامل من الحجز للحسابات.
شاشة الأدوار محتاجة إيه؟
أي شاشة أو تلفزيون متوصل بجهاز عليه متصفح وإنترنت. بتفتح لينك الشاشة والأدوار بتظهر على طول، ومفيش كود ربط. وعشان الصوت يشتغل لوحده، بنضبط إعداد الصوت في المتصفح مرة واحدة على الجهاز.
لو العيادة ملهاش شاشة انتظار، النداء هيشتغل؟
أيوه، صوت النداء ممكن يشتغل كمان من جهاز الموظف أو الدكتور على شاشة محطة النداء، ويتقفل أو يتفتح من زرار واحد.
النظام بيشتغل أونلاين ولا على جهاز العيادة؟
الاتنين متاحين: على سيرفر سحابي تدخل عليه من أي مكان، أو على جهاز داخل العيادة.
عندي أكتر من فرع أو أكتر من دكتور، ينفع؟
أيوه، النظام بيدعم أكتر من فرع وعيادة ودكتور، وعدد الفروع والأطباء والمستخدمين بيتحدد في الترخيص عند التعاقد.
رسايل الواتساب بتتبعت إزاي؟
بنربط النظام بحساب واتساب أعمال للعيادة (WhatsApp Cloud) أو بمزود رسائل SMS، وبعدها النظام بيبعت التذكيرات والتأكيدات لوحده في المواعيد اللي تحددها، وللمرضى اللي وافقوا على الرسائل بس.
فيه تطبيق موبايل؟
أيوه، تطبيق أندرويد للدكتور والاستقبال: يومي، ونداء المريض التالي، ومراجعة النتايج، وتأكيد الحجوزات الأونلاين، وإشعارات بأي جديد. والمريض مش محتاج تطبيق: بيفتح بوابته من رابط على الموبايل.
عيادتي أسنان أو نسا، فيه شاشات مخصوصة؟
أيوه، فيه رسم الأسنان لعيادات الأسنان، ومتابعة الحمل لعيادات النسا والتوليد، وباقات الجلسات للعلاج الطبيعي والليزر. كل واحدة بتتشغل من الإعدادات حسب تخصص العيادة.
الدكتور يقدر يشوف مرضى دكتور تاني؟
حساب الدكتور المربوط بملفه بيفتح شاشة الكشف والنداء على مرضاه هو بس، وباقي المستخدمين حسب الصلاحيات اللي تحددها.
جاهز تشوف كلينوفا على شغل عيادتك؟
احجز عرض تجريبي، وقولنا عدد الدكاترة والفروع عندك، ونجهّز لك العرض على نفس طريقة شغلك.
كلينوفا من إنتاج إكسترا تيم — شوف كمان باقي منتجاتنا.